Elimizde múgedektikti rastaý jeńildeı túspek

ASTANA. QazAqparat – Qazaqstanda múgedek ekenin rastaý protsesi jeńildeı túspek. Endi qaǵaz tasyp, mekeme aralaýdyń qajeti bolmaıdy. Bul týraly Ortalyq kommýnıkatsııalyq qyzmeti alańynda ótken brıfıng barysynda aıtyldy, dep habarlaıdy QazAqparat tilshisi.

«Biz Eńbek jáne áleýmettik qorǵaý mınıstrligimen birlesip eki jyl boıy múgedektikti syrttaı kýálandyrý boıynsha pılottyq jobany iske asyryp kelemiz. Osy jumys aıasynda biz áriptesterimizben birge medıtsınalyq-áleýmettik saraptama júrgiziletin organdarǵa qaǵaz túrinde usynylýy qajet birqatar qujat sanyn qysqarttyq. Bul baǵytta aldymen proaktıvti rejımge aýystyrylatyn nozologııalardyń tizimin keńeıtetin bolamyz. ıAǵnı medıtsınalyq-áleýmettik saraptama qurylymdaryna tikeleı barýdyń qajeti bolmaıdy. Osylaısha múgedektikti rastaý úshin júgiris azaıa túspek», - dedi Densaýlyq saqtaý vıtse-mınıstri Beıbit Esenbaev.

Aıta ketsek, endi qazaqstandyqtar retsept boıynsha dárilerdi QR kod arqyly alady.

Atalǵan qyzmet ázirge pılot joba retinde elorda emhanalarynda iske qosyldy. Jyl sońyna deıin basqa da óńirlerde iske qosý josparlanyp otyr.

Sondaı-aq, qazaqstandyqtardyń medıtsınalyq analızderdiń nátıjesine onlaın qol jetkize alatyny týraly habarlaǵan edik.