Elimizde menıngıtke qatysty ahýal qandaı

NUR-SULTAN. QazAqparat – Bas memlekettik sanıtar dáriger Jandarbek Bekshın elimizde elimizde menıngıt aýrýyna qatysty ahýaldyń qandaı ekenin aıtyp berdi, dep habarlaıdy QazAqparat tilshisi.

«Qazirgi tańda bizde menıngokokk ınfektsııasyn juqtyrý boıynsha 50 jaǵdaı tirkeldi. Ótken jyly 83 edi. ıAǵnı, búgingi kúni menıngıt juqtyrý deńgeıi 47 paıyzǵa azaıdy», - dedi Jandarbek Bekshın OKQ-da ótken baspasóz máslıhatynda.

Bas memlekettik sanıtar dárigerdiń aıtýyna qaraǵanda, menıngıtke shaldyǵý jaǵdaıy baqylaýda. Halyqqa tónip turǵan eshqandaı qaýip joq.

«Qazaqstan boıynsha menıngıtke shaldyǵýdyń kópjylǵy ortasha deńgeıi - 2,1 paıyz. Qazirgi ýaqytta ortasha deńgeı - 0,2 paıyz. Osydan-aq qazirgi ýaqytta menıngıt ınfektsııasyn juqtyrý deńgeıi qanshalyqty azaıǵanyn baıqaýǵa bolady», - dedi ol.

Eske sala ketsek, buǵan deıin Jandarbek Bekshın ekpe almaǵan balalar balabaqshaǵa kirgizilmeıtinin málim etken edi.