Elimizde mas bolyp otbasynda janjal shyǵaratyndardy oqshaýlaý máselesi sheshilmeı otyr

ASTANA. QazAqparat – Elimizge 594 orynǵa arnalǵan 32 medıtsınalyq aıyqtyrǵysh mekemesi qajet. Bul týraly Úkimet otyrysynda QR Іshki ister mınıstri Marat Ahmetjanov aıtty, dep habarlaıdy QazAqparat tilshisi.

«Tek zorlyq-zombylyq qurbandarymen ǵana emes, quqyq buzýshylarmen de qaıta ońaltý jumystaryn júrgizý qajet. Osyǵan baılanysty Sizden Densaýlyq saqtaý mınıstrligine psıhotúzetý kýrstaryn qoldaný algorıtimin ázirlep, tıisti maman daıyndaý jumystaryn uıymdastyrýdy tapsyrýdy suraımyn», - dedi mınıstr Úkimet basshysy Álıhan Smaıylovqa qarata.

Onyń atap ótýinshe, kúndelikti ómirdegi qylmystardyń kóbi mas kúıde jasalady. Biraq, «mas janjalqoılardy» oqshaýlaý máselesi áli sheshilgen joq.

«Elimiz boıynsha 778 orynǵa arnalǵan 35 ýaqytsha medıtsınalyq aıyqtyrǵysh jumys isteıdi. Mysaly, Óskemende 20 tósek-orynǵa arnalǵan bir ǵana mekeme jumys istep tur. Al polıtseıler jetkizgen 7 myń quqyq buzýshynyń 5 myńy ǵana sol jerge ornalastyrylǵan. Sol sııaqty Pavlodarda 24 tósek-orny bar bir ǵana mekeme bar. Kókshetaýda múlde joq. Jalpy elimiz boıynsha 594 orynǵa arnalǵan taǵy 32 mekeme qajet», - dedi Marat Ahmetjanov.