Elimizde mal sharýashylyǵy ónimderiniń ósimi artty

NUR-SULTAN. QazAqparat – 2020 jylǵy qańtar–qyrkúıekte mal sharýashylyǵy ónimderiniń ósimi 1,9 trln teńgeni qurap, ınflıatsııany esepke alǵanda bir jyl ishinde 2,7% - ǵa artty, dep habarlaıdy QazAqparat energyprom.kz saıtyna silteme jasap.

Óńir boıynsha alǵanda mal sharýashylyǵy ónimderin shyǵarýdyń eń kóp kólemi Almaty oblysyna (291,3 mlrd tg) tıesili boldy. Ekinshi orynda Shyǵys Qazaqstan oblysy (260,5 mlrd teńge), úshinshi orynda Túrkistan oblysy (216,5 mlrd teńge) aıaqtaıdy.

Bıylǵy jyldyń 1 qazanyndaǵy jaǵdaı boıynsha Qazaqstanda 8,2 mln bas iri qara maly bolǵan, bul ótken jylmen salystyrǵanda 5% -ǵa artyq. Olardyń 4 mıllıony – sıyr.

Qoılar sany 19,5 mıllıondy qurady, bul ótken jylmen salystyrǵanda 3,5% kóp. Elde jylqylardyń sany 9,1%-ǵa (3,1 mln), eshki 0,6%-ǵa (2,5 mln), shoshqa 0,2%-ǵa (1 mln deıin artqan. Úı qustary, kerisinshe, 2,8%-ǵa azaıyp, 46,1 mln bolǵan.

Sıyr sútin óndirý 3,1% -ǵa (4,8 mln. tonnaǵa), qyrqylǵan qoı júni 2,5% - ǵa, (39,4 myń tonnaǵa) , iri qara terileri 2,6% - ǵa, (2,2 mln danaǵa) deıin artqan. Qozy terileriniń óndirisi 13%- ǵa, taýyq jumyrtqasy 5,5% - ǵa deıin tómendegen.