Elimizde maqtanyń tek 15% qaıta óńdeledi
«Ulttyq statıstıka bıýrosynyń málimetine qaraǵanda, 2022 jyly elimizde 360 myń tonna shıtti maqta jınaldy. Alaıda maqtanyń tek 15 paıyzy ǵana qaıta óńdeledi. Maqta talshyǵy búkil toqyma ónerkásibinde mańyzdy sanalady. Bul ónimdi óńdelmegen kúıinde shetelge satamyz. Byltyr eksporttalǵan maqta talshyǵy 30,2 myń tonnany qurady. Bizden Moldova, Latvııa, Túrkııa, Ózbekstan jáne Qytaı satyp alyp jatyr. Aıtpaqshy, osynyń arasynda úsh el Qazaqstanǵa jipterdi, túrli matalardy, úı toqyma buıymdaryn jáne kıim-keshekti jetkizip keledi. Syrttan ákelingen osy kıimderdiń birazy bizdiń maqtadan óndirilýi múmkin», - dedi Z. Kýzıev búgin Senatta ótken Úkimet saǵatynda.
Onyń aıtýynsha, otandyq kásiporyndarda óńdeletin shıkizattyń 15 paıyzynan maqta jáne mata óndiriledi.
«Maqta talshyǵynyń bir tonnasy búginde 285 000 teńgege jetti. Al osy kólemnen óńdelgen matanyń nemese tósek-oryn jabdyǵynyń quny 2,9 mıllıon teńgeni quraıdy, ıaǵnı qosylǵan qun 300 paıyzdan asady. Bul rette Qazaqstannan shyǵarylatyn maqta talshyǵynyń 85 paıyzy shetelge arzan baǵamen jóneltiledi», - dedi senator.
Budan buryn habarlanǵandaı, Zákirjan Kýzıev qant óndirý salasyn damytýǵa qatysty birqatar usynys aıtty.