Elimizde qyrkúıek aıynda kólikti onlaın tirkeýge qatysty 160 myńnan astam tranzaktsııa jasaldy

NUR-SULTAN. QazAqparat – QR Tsıfrlyq damý, ınnovatsııalar jáne aeroǵarysh ónerkásibi mınıstri Baǵdat Mýsın avtokólikti tirkeý men qaıta tirkeýdi elektrondy formatta júrgizýdiń tıimdiligin aıtty, dep habarlaıdy QazAqparat tilshisi.

«Elimizde tanymal platformalar men servıster arqyly qyzmetterdi kórsetý boıynsha jumystar júrgizildi. Máselen, Kaspi.kz, Homebank qosymshasy arqyly kólikti tirkeýge toqtalsaq, bul óz kezeginde protsesti ońtaılandyrýǵa ári avtomattandyrýǵa eleýli serpin berdi, sondaı-aq azamattardyń ýaqyty men shyǵynyn únemdeýge jol ashty. Osy turǵyda avtokólikti satyp alýshyǵa da, satýshyǵa da ótinim berý úshin halyqqa qyzmet kórsetý ortalyǵyna barýdyń qajeti joq. Bul qadamdar karantındik is-sharalar baǵytynda erekshe mańyzdy», - dedi B. Mýsın Májilistegi Úkimet saǵatynda.

Onyń aıtýynsha, bıylǵy qańtar aıynda avtokólikti tirkeý men qaıta tirkeý boıynsha 104 myń tranzaktsııa bolyp, onyń ishinde onlaın rejımde tek 5 paıyzy qamtyldy. Al qańtar aıynyń qorytyndysy boıynsha 167 tranzaktsııa tirkelip, onyń ishinde onlaın-rásimdeý 36 paıyzǵa deıin artty.

«Osy arqyly tanymal platformalarǵa qyzmetterdi aýystyrý óziniń nátıjesin berip jatqanyn kórip otyrmyz. Bul rette eń tanymal, suranysy joǵary qyzmetterdi qamtyp jatyrmyz. Nege avtokólikti qaıta tirkeýdi qamtydyq? Sebebi mamandandyrylǵan halyqqa qyzmet kórsetý ortalyqtarynda atalǵan qyzmetke qatysty irkilis bolǵandyqtan,osy baǵytty ońtaılandyrýǵa mán berdik», - dedi mınıstr.