Elimizde kúsh-qýat qurylymdary arasyndaǵy teketires, básekelestik joıyldy - QR Bas prokýrory
Búgin Aqordada Elbasy Nursultan Nazarbaevtyń QR-daǵy qylmys pen sybaılas jemqorlyqqa qarsy turý, esirtki zattarynyń zańsyz aınalymynyń jaǵdaıy, azamattardyń quqyqtary men bostandyqtary taqyrybyna qatysty quqyq qorǵaý organdary basshylarymen ótkizip jatqan keńesinde QR Bas prokýrory osylaı dedi.
«Negizgi jetistikter qatarynda uzaq ýaqyt boıy kúsh-qýat organdary arasynda baıqalyp, bizdiń ortaq isimizge túzelmeıtin zııanyn keltirgen vedomstvoaralyq teketires, básekelestiktiń eńserilgenin bóle-jara atap ótkim keledi», - dedi ol.
Sondaı-aq ol barlyq quqyq qorǵaý jáne sot júıesiniń jumysy úılestirilgendigin basa aıtty. Degenmen de, onyń sózine qaraǵanda, ótken jyl el aýmaǵynda tirkelgen qylmys sany 2011 jylmen salystyrǵanda 39 paıyzǵa ósip, 288 myń qylmysty quraǵan. «Ári bul shegi emes. Biz jartyjyldyqtyń sońyna deıin olardy tolyq tirkeýdi maqsat etýdemiz», - dedi A.Daýylbaev.