Elimizde qosylǵan jańa áleýmettik jeli: Qazaqstandyqtardy qandaı máseleler tolǵandyrady

NUR-SULTAN. QazAqparat – Búginnen bastap elimizde alǵash ret GetEmotions atty jańa áleýmettik jeli iske qosyldy. Ol arqyly qazaqstandyqtar kez kelgen suraqqa jaýap ala alady. Osy oraıda otandastarymyzdy kóbine qandaı suraqtar qyzyqtyratyny belgili boldy, dep habarlaıdy QazAqparat tilshisi.

«Atalǵan áleýmettik jeli týraly ıdeıa 2018 jyly keldi, degenmen naqty iske asyrý 2020 jyldan bastaldy. ıAǵnı pandemııa kezinde jelini ázirleýdi naqty qolǵa aldyq. Al iske bıyl qazan aıynda qostyq. Árıne, aldymen ishki naryqty, ıaǵnı Qazaqstandy qamtý, odan ári AQSh naryǵyna shyǵý maqsaty tur. Bizdiń jeli arqyly qoldanýshylar habarlama jiberýden bólek, sóılese de alady. Árıne, habarlasý anonımdi túrde júzege asady», - dedi GetEmotions jobasynyń negizin qalaýshy Aıtýǵan Omarov OKQ-de ótken baspasóz qyzmetinde.

Sondaı-aq, jeli jasaýshysy qazaqstandyqtardan kelip túsip jatqan suraqtarǵa qatysty pikir bildirdi.

«Bizge kelip túsip jatqan suraqtardyń mazmuny ártúrli. Negizinen ómir týraly, ómirlik qundylyq jóninde desem bolady. Kelip túsip jatqan suraqtardyń deni - adamdardyń jeke ómirine baılanysty. GetEmotions jelisine qatysty taǵy bir jaıt, búginde biz patent alýǵa ótinish berdik, habaryn kútip júrmiz. Bizdiń jeliniń artyqshylyǵy sol - ár adamnyń máselesi jeke qaralady», - deıdi ol.

Buǵan deıin habarlaǵanymyzdaı, búginnen bastap elimizde jańa áleýmettik jeli paıda boldy.