Elimizde qosylǵan qun salyǵynyń mólsherlemesi kóterilýi múmkin

<p>ASTANA. QazAqparat &ndash; Elimizde qosylǵan qun salyǵynyń mólsherlemesi kóterilýi múmkin. Bul týraly Ulttyq ekonomıka vıtse-mınıstri Azamat Ámrın málim etti, dep habarlaıdy QazAqparat tilshisi.</p>

«Iá, qosylǵan qun salyǵynyń mólsherlemesin kóterýge qatysty másele talqylandy. Biz ony kóteremiz. Óıtkeni, Salyq kodeksi qyzmetteriniń biri – bul qazynalyq, bıýdjettiń kiris bóligin tolyqtyrý», - dedi vıtse-mınıstr Úkimet otyrysynan keıingi brıfıng barysynda.

Osy rette ol mundaı sheshim sebebin de túsindirýge tyrysty.

«Eger biz mólsherlemeni 12-den 16 paıyzǵa kótersek, onda bıýdjetke shamamen 2-2,4 trln teńge qosymsha túsim túsedi. Mólsherlemeni osylaı kóterý usynylady. Ol qazir talqylanyp jatyr», - dedi Azamat Ámrın.

Osyǵan deıin Qazaqstanda jańa eksporttyq-kredıttik agenttik qurylatyny habarlandy.