Elimizde koronavırýsqa qarsy vaktsınalaý qarqyny qandaı

NUR-SULTAN. QazAqparat – Densaýlyq saqtaý mınıstri Alekseı Tsoı KVI-ge qarsy vaktsınalaý qarqyny týraly aıtty, dep habarlaıdy QazAqparat tilshisi.

Onyń aıtýynsha, qazirgi ýaqytta respýblıka azamattaryna «Gam-KOVID-Vak» (Spýtnık V), «QazVac», «Hayat-Vax», «KoronaVak» jáne «Sınofarm» syndy bes túrli vaktsına qoljetimdi.

«11 qazandaǵy jaǵdaı boıynsha elimiz boıynsha qamtylýy tıis kontıngenttiń 78 paıyzy nemese halyq sanynyń 41 paıyzy birinshi komponentpen egildi. Sonymen qatar, ekinshi komponentti vaktsına alýy tıis turǵyndardyń 69 paıyzy saldyrdy», - dedi A. Tsoı Májilistegi Úkimet saǵatynda.

Onyń sózine qaraǵanda, Pfizer kompanııasynyń vaktsınasy 12-17 jas aralyǵyndaǵy balalar men júkti áıelderge ruqsat etilgen jalǵyz ekpe bolyp tur.

«Osyǵan baılanysty mınıstrlik Pfizer kompanııasymen 2021 jyldyń sońyna deıin 4 mln doza vaktsınany jetkizý boıynsha shartqa qol qoıdy», - dedi mınıstr.