Elimizde kommýnaldyq qyzmetter qanshaǵa qymbattaıtyny aıtyldy

ASTANA. QazAqparat – Qazaqstanda jaz aılarynda elektr men jylý energııasy qymbattaýy múmkin. Bul týraly QR Ulttyq ekonomıka mınıstri Álibek Qýantyrov aıtty, dep habarlaıdy QazAqparat tilshisi.

Onyń aıtýynsha, bıyl elektr energııasynyń tarıfi shilde aıynan bastap kóterilmek.

«Keıbir óńirlerde 10 paıyzdan bastalyp, 30 paıyzǵa deıin kóterilýi múmkin», - dedi Á.Qýantyrov Májiliste tilshiler suraǵyna jaýap bere otyryp.

Bul turǵyda jylýdyń jańa tarıfi jańa jylý berý maýsymynan bastalady. Tarıf mólsheri ár óńirde ártúrli bolady.

Vedomstvo basshysy turǵyn úı-kommýnaldyq sharýashylyǵynda jumys istep júrgen adamdardyń jalaqysyn kóterý kerek ekenin aıtty. Sebebi bul salada jalaqy az bolǵandyqtan, mamandar jumystan ketip jatyr.

Mınıstr elimizdiń aýmaǵynda jylý berý jelileri 85 paıyzǵa deıin tozǵanyn aıta kele, bul saladaǵy máseleni sheshý baǵytynda tarıfti kóterý eskerilgenin jetkizdi.