Elimizde kókónis arzandady

NUR-SULTAN. QazAqparat – QR Aýyl sharýashylyǵy mınıstri Erbol Qarashókeev elimizde kókónis baǵasy arzandaǵanyn aıtty, dep habarlaıdy QazAqparat tilshisi.

«Kúzde dástúrli túrde baǵa arzandaıdy, onyń ishinde kókónis baǵasynda ózgeris bar. Sońǵy málimetter boıynsha kartop, sábiz jáne pııaz baǵasy tústi», - dedi E. Qarashókeev Senattyń jalpy otyrysynan keıin tilshiler saýalyna jaýap bere otyryp.

Onyń aıtýynsha, el aýmaǵynda jappaı egin oraǵy júrip jatyr. Osy oraıda mıllıon tonna kartop jınalǵan. Sonymen qatar egis alqaptarynda pııaz jınaý aıaqtalyp keledi.

«Baǵanyń ósimi negizinen saýda jelilerine tıesili boldy. Egis alqaptarynda kartoptyń kelisin 120 teńgeden alyp ketip jatyr», - dedi mınıstr.

Budan buryn habarlanǵandaı, E. Qarashókeev Qostanaı oblysyndaǵy órt egis alqaptarynda eleýli shyǵyn keltirmegenin aıtty.