Elimizde qoǵammen dıalogtyń jańa formaty engizildi
2021 jylǵy 12 naýryzdaǵy «Qazaqstan Respýblıkasynyń keıbir zańnamalyq aktilerine normashyǵarmashylyqty jetildirý máseleleri boıynsha ózgerister men tolyqtyrýlar engizý týraly» Zańy zańdardy qabyldaýdyń neǵurlym ashyq tetigin kózdeıdi. Endi Úkimettiń bastamasymen ázirlengen árbir zań jobasynyń aldynda jurtshylyqpen konsýltatsııalar ótkizýge arnalǵan Konsýltatıvtik qujat bolady. Mundaı qujat salanyń problemasyn neǵurlym tereń qalyptastyrýǵa jáne kórýge, olardy sheshýdiń ádisteri men tásilderin pysyqtaýǵa múmkindik beredi»,- dedi vıtse-mınıstr Ortalyq kommýnıkatsııalar qyzmetindegi baspasóz máslıhaty barysynda.
Onyń atap ótýinshe, memlekettik organdar problemany anyqtaǵan kezde tıisti taldaý júrgizýge jáne onyń nátıjelerin Konsýltatıvtik qujatta kórsetýge tıis. Budan ári Konsýltatıvtik qujat jurtshylyqpen jáne onyń naqty nysanaly toptarymen konsýltatsııalar ótkizý úshin «Ashyq NQA» portalynda jarııalanady. Jurtshylyqpen talqylaýlar «Ashyq NQA» portalynda talqylaý, jarııa tyńdaýlar men pikirtalastar syndy bir nemese birneshe tásilderdi paıdalana otyryp júrgiziledi.
«Qoǵammen talqylanǵannan keıin ǵana memlekettik organ talqylanatyn máseleni sheshý úshin zań ázirleýdiń oryndylyǵy týraly sheshim qabyldaıdy. Osylaısha, halyq zańnamalyq bastamanyń eń erte kezeńinen bastap ýákiletti organdar qabyldaǵan sheshimderge tartylatyn bolady», - dedi Natalıa Pan.