Elimizde qoǵamdyq oryndardaǵy quqyq buzýshylyq 6 paıyzǵa tómendedi

NUR-SULTAN. QazAqparat – Elimizde qoǵamdyq oryndarda jasalatyn qylmystyq quqyq buzýshylyq sany 6 paıyzǵa tómendedi. Bul týraly QR ІІM Ákimshilik polıtsııa komıtetiniń basqarma bastyǵy Baǵlanbek Aıtbaev aıtty, dep habarlaıdy QazAqparat tilshisi.

«Іshki ister organdary qoǵamdyq oryndar men kóshelerde tıisti quqyqtyq tártipti jáne azamattardyń qaýipsizdigin qamtamasyz etý maqsatynda birqatar qajetti aldyn alý is-sharalaryn iske asyrady. Osy maqsatta quqyqtyq tártipti saqtaýǵa kúndelikti polıtsııa qyzmetkerleri, sondaı-aq Ulttyq ulan áskerı qyzmetkerleri tartylady», - dedi ol Іshki ister mınıstrliginiń baspasóz qyzmeti alańynda ótken brıfıng barysynda.

Basqarma basshysynyń atap ótýinshe, olar kóshelerdi, saıabaqtardy, alańdardy, aýlalardy jáne basqa da qoǵamdyq oryndardy patrýldeıdi.

«Jalpy qazirgi kúni elimizde qoǵamdyq oryndarda jasalǵan qylmystyq quqyq buzýshylyq sanynyń 6 paıyzǵa, onyń ishinde kóshelerde 13 paıyzǵa tómendeýi baıqalady», - dedi Baǵlanbek Aıtbaev.