Elimizde kıik aýlaýǵa ruqsat etilýi múmkin

NUR-SULTAN. QazAqparat – Orman sharýashylyǵy jáne janýarlar dúnıesi komıteti janýarlar dúnıesin paıdalanýǵa ruqsat berý qaǵıdalaryna tolyqtyrýlar men ózgerister engizilgen buıryqty jarııalady, dep habarlaıdy QazAqparat tilshisi.

Osydan 7 jyl buryn qabyldanǵan normatıvtik qujat bul joly «kıikterdiń dırıvatyn jınaý» tarmaqshasymen tolyqtyrylǵan.

Budan bólek, tolyqtyrýlar negizinde kásipshilik, áýesqoılyq, melıoratsııalyq, ǵylymı-zertteý jáne epızootııany boldyrmaý maqsatynda ań aýlaýǵa, kıikterdiń dırıvatyn jınaýǵa ruqsat beriledi.

Memlekettik qyzmet kórsetýge jaýapty organdar:

Eki jáne odan da kóp oblystyń aýmaǵynda ornalasqan balyq sharýashylyǵy sý aıdyndarynda janýarlardy alyp qoıýdyń, kıikter derıvattaryn jınaýdyń belgilengen lımıtteri men kvotalary sheginde ǵylymı-zertteý úshin aýlaýdy qospaǵanda, jergilikti atqarýshy organdar;

Eki jáne odan da kóp oblystarda ornalasqan balyq sharýashylyǵy sý aıdyndarynda ǵylymı-zertteý úshin aýlaý maqsatynda balyq resýrstaryn jáne basqa da sý janýarlaryn qorǵaý, ósimin molaıtý jáne paıdalaný salasyndaǵy vedomstvo;

Kıikterdiń derıvattaryn jınaý maqsatynda orman sharýashylyǵy, janýarlar dúnıesin qorǵaý, ósimin molaıtý jáne paıdalaný salasyndaǵy vedomstvosy kórsetedi.

Buıryq «Ashyq NQA» saıtynda jarııalandy. Qujatty talqylaý 21 maýsymǵa deıin jalǵasady.