Elimizde keıbir ýnıversıtetterdiń dárejesi ózgeredi

ASTANA. QazAqparat – Jezqazǵan qalasynda jańa tehnıkalyq ýnıversıtet ashylady. Bul týraly Úkimet otyrysynda Ǵylym jáne joǵary bilim mınıstri Saıasat Nurbek aıtty, dep habarlaıdy QazAqparat tilshisi.

«Mınıstrlik zamanaýı kampýstary bar salalyq ýnıversıtetterdi qurý boıynsha jumystar eskerilgen. Q.Sátbaev atyndaǵy Qazaq ulttyq tehnıkalyq zertteý ýnıversıtetiniń 2023-2027 jyldarǵa arnalǵan damý baǵdarlamasy bekitildi, onyń aıasynda ınjenerlik bilim men ǵylymda jańa tehnologııalardyń ǵylymı-zertteý habyn qurý kózdelgen. Almaty oblysynyń ákimdigimen birlesip, Qonaev qalasynda ınnovatsııalyq ortalyqpen jańa zamanaýı ýnıversıteti bar akademııalyq qalashyq qurý jumystar atqarylyp jatyr», - dedi S. Nurbek.

Onyń aıtýynsha, Jezqazǵan qalasynda Tehnıkalyq ýnıversıtetti ashý boıynsha jumystar eskerilgen. Bul turǵyda negizgi strategııalyq áriptes retinde kanadalyq joǵary oqý oryndary bolady. Qazirgi kezde 15 kanadalyq ýnıversıtetpen kelissóz júrip jatyr.

«Zertteý ekojúıesin qalyptastyrý jáne joǵary oqý oryndarynyń serpindi tehnologııalaryn damytý maqsatynda bıyl M. Áýezov atyndaǵy Ońtústik Qazaqstan ýnıversıtetine zertteý ýnıversıteti mártebesi, al S. Ótebaev atyndaǵy Atyraý Munaı jáne gaz ýnıversıtetine ındýstrıaldy oqý orny mártebesi beriledi», - dedi mınıstr.

Budan buryn habarlanǵandaı, jyl saıyn elimizge 200 sheteldik ǵalym tartylady.