Elimizde qazaqtyń salt-dástúrin ustanatyn ózge ult ókilderi óte kóp – Memleket basshysy
«Bıyl qasıetti Ramazan aıynyń basy Naýryz merekesi kúnderine týra keldi. Pasha men Oraza aıtty atap ótý kúnderi jaqyn boldy. Men bul jerde erekshe nyshandyq mán kóremin. Oraza kúnderi dindarlar, ádette, myzǵymas adamgershilik qundylyqtar týraly kóp aıtady, bir-birine jaqsy tilekter bildiredi. Sol sııaqty Pasha da - adamdardy eń joǵary adamgershilik murattarǵa shaqyratyn jarqyn mereke. Sondyqtan bul merekeler ultyna qaramastan elimizdiń mıllıondaǵan azamattary úshin ortaq boldy. Biz azamattarymyzdyń tańǵajaıyp birliginiń kýási bolyp otyrmyz», - dedi Qasym-Jomart Toqaev.
Memleket basshysy Qazaqstandaǵy barlyq etnos ókilderi qazaqtyń bolmysyn boıyna sińirip jatqanyn aıtty.
«Elimizde qazaqtyń salt-dástúrin ustanatyn ózge ult ókilderi óte kóp. Ony ózderińiz jaqsy bilesizder. Qazaqstan olar úshin týyp-ósken, erjetken, bilim alǵan, otbasyn qurǵan qasterli mekeni, Otany sanalady. Bul – tabıǵı úrdis», - dedi Prezıdent.