Elimizde Qazaqstan azamattyǵyn almaǵan 50 myńǵa jýyq oralman turaqty turyp jatyr

ASTANA. QazAqparat - Elimizde Qazaqstan azamattyǵyn almaǵan 50 myńǵa jýyq oralman turyp jatyr. Bul týraly Májilistiń áleýmettik-mádenı damý komıtetiniń ishki jáne syrtqy kóshi-qon máseleleri talqylanǵan otyrysynda QR Іshki ister mınıstrligi Kóshi-qon polıtsııasy departamentiniń bastyǵy Serik Saıynov aıtty.

«Qazaqstanda 165 myńǵa tarta sheteldik azamattar turaqty túrde turyp jatyr. Bulardyń basym kópshiligi Reseıdiń (65 myń azamat), Ózbekstannyń (40 myń), Qyrǵyzstannyń (14 myń), Túrkııanyń (2,5 myń) jáne Germanııanyń (1 myń 800) azamattary. Sonymen qatar elimizde turaqty túrde turatyn sheteldikterdiń úshten bir bóligin áli azamattyq almaǵan oralmandar quraıdy. Olardyń sany 50 myńǵa jýyq», - dedi S.Saıynov.

Sonymen birge, departament basshysynyń aıtýynsha, jyl saıyn kóshi-qon polıtsııasy mıllıonnan astam sheteldik azamatty tirkeıdi. Budan bólek, tirkeýge mindetti emes 6-7 mln. sheteldik azamat keledi. Al tirkelgenderdiń jalpy sanynyń mıllıonǵa jýyǵy TMD elderiniń, atap aıtqanda 400 myńy - Ózbekstan, 200 myńy - Reseı jáne 100 myńy -Qyrǵyzstan azamattary.

«Mıgranttardyń basym kópshiligi Almaty qalasynda, Almaty, Ońtústik Qazaqstan, Mańǵystaý oblystary men Astanada tirkelgen», - dedi kóshi-qon salasynyń basshysy.