Elimizde «Qaýipsiz jol» respýblıkalyq aldyn alý is-sharasy bastaldy
Tájirıbe kórsetip otyrǵandaı, ákimshilik polıtsııa qyzmetkerleri Jol qozǵalysy erejeleri talaptarynyń saqtalýyn qadaǵalaýdy kúsheıtýi JKO aldyn alýdyń tıimdi ádisteriniń biri bolyp tabylady.
2013 jyldyń 9 aıynda respýblıka joldarynda 2138 adam qaza taýyp, 19964 adam jaraqat alǵan 15397 jol-kólik oqıǵasy tirkelgen. 2012 jyldyń sáıkes kezeńimen salystyrǵanda oqıǵalar sany 58,7%-ǵa ósti, onda qaza tapqan azamattar sany 3,3%-ǵa, al jaralanǵandar sany 67,4%-ǵa artty, dep habarlady Qazaqstan Respýblıkasy ІІM Ákimshilik polıtsııa komıtetinen.
Soǵan baılanysty, JKO jáne olardyń aýyr saldaryn azaıtý maqsatynda Qazaqstan Respýblıkasy Іshki ister mınıstrligi 2013 jylǵy 21 - 27 qazan aralyǵynda «Qaýipsiz jol» respýblıkalyq aldyn alý is-sharasyn ótkizýde.
Ákimshilik polıtsııa bólimsheleriniń barlyq jeke quramy aldyn alý is-sharalary kezeńinde qala syrtyndaǵy tas joldarda jasaqtardyń jıiligin jáne oblystyq jáne aýdandyq mańyzy bar avtokólik joldarynda kúzetti kúsheıte otyryp, qyzmetterin kúsheıtti.
Jeke quramnyń jumysy JKO ákep soqtyratyn JQE barynsha qaýipti buzý faktilerin anyqtaý jáne jolyn kesýge baǵyttalǵan.
Esterińizge sala keteıik, 11 qazan kúni Aqordada ótken Úkimettiń keńeıtilgen otyrysynda Elbasy jol erejesin buzýshylarǵa qatysty zań talaptaryn kúsheıtý qajettigin basa aıtqan bolatyn. «Rólge mas kúıinde otyrǵan júrgizýshi - qylmysker. Ony bizde bar zańmen barynsha qatań jazalaý kerek nemese bul zańdardy kúsheıtý qajet, - dedi Elbasy. - Bul - baryp turǵan tártipsizdik. Adamdardan aıyrylýdamyz. Biz mynda olardy emdep, olardyń sanyn ári ómir súrý uzaqtyǵyn arttyrǵymyz keledi. Al jolda olar mert bolýda».