Elimizde kásipkerlerdi QR-kod arqyly sáıkestendiretin bolady
«Sholyp tekserý» pılottyq jobasy kóleńkeli ekonomıkanyń úlesin azaıtýǵa jáne salyq mádenıetin arttyrýǵa baǵyttalǵan. MKK habarlaǵandaı, pılottyq jobany 2022 jyldyń sońyna deıin aıaqtaý josparlanýda.
Jabyq bazarlardyń, saýda úıleriniń, dúkenderdiń, pavılondardyń (ashyq bazarlardy eseptemegende) aýmaǵynda QR-da kóterme jáne (nemese) bólshek saýdany júzege asyratyn kásipkerler Memlekettik kirister komıtetiniń portalynda (kgd.gov.kz) «Aqparattyq resýrstar» qosymsha betinde shtrıh-kodty (QR-kodty) alýy tıis.
Sáıkestendirgish kásipker týraly málimetterdi (JSN/BSN, ataýy, baqylaý-kassa mashınasynyń ornalasqan jeriniń mekenjaıy, salyq tóleýshiniń mártebesi, alkogol ónimine lıtsenzııanyń bolýy) qamtıdy. Bul satyp alýshylardyń kásipkerdi sáıkestendirýi úshin qajet.
«Mysaly, fıskaldy chek berilmegen, taýarlar úshin tólemdi bank kartasymen qabyldaýdan bas tartylǵan, alkogol ónimine lıtsenzııa bolmaǵan jaǵdaıda satyp alýshy uıaly telefonynyń kómegimen QR-kod arqyly eseptelgen pılottyq jobaǵa qatysýshy týraly derekterdi paıdalana otyryp, Memlekettik kirister organdaryna shaǵym joldaýǵa quqyly», - dep túsindirdi Memlekettik kirister komıtetiniń baspasóz qyzmetinde.
Memlekettik kirister organdarynyń laýazymdy tulǵalary beıne tirkeý jáne (nemese) fotofıksatsııa quraldaryn qoldana otyryp jiberilgen shaǵymdar boıynsha ǵana sholyp tekserýli júrgizedi.
Bul rette, sholyp tekserýdi júrgizý týraly sheshimde kórsetilgen sholyp tekserýdi júrgizý merzimi bastalǵanǵa deıin 3 (úsh) jumys kúninen buryn Memlekettik kirister organdarynyń Internet-resýrsynda atalǵan sheshim ornalastyrylady.
Sholyp tekserý júrgizý arqyly salyq tóleýshilerdi ákimshilendirý boıynsha pılottyq jobanyń júrgizilý tártibimen https://adilet.zan.kz/kaz/docs/V2000021928 siltemesi boıynsha tolyǵyraq tanysýǵa bolady