Elimizde qansha adam páterin zańdy túrde jalǵa beredi

ASTANA. QazAqparat – Qarjy vıtse-mınıstri Erjan Birjanov salyqtan jaltarmaı, páterin jalǵa beretin qazaqstandyqtardyń sanyn atady, dep habarlaıdy QazAqparat tilshisi.

«Turǵyn úıdi jalǵa berýdiń birneshe joly bar. Birinshi jol – jeke kásipker retinde tirkelý. Elimiz boıynsha osy joldy tańdap, jeńildetilgen deklaratsııa men patent tapsyryp júrgen 84 myńnan astam adam bar», - dedi Erjan Birjanov ortalyq kommýnıkatsııalar qyzmetinde ótken brıfıngide.

Sondaı-aq,ol páter jalǵa berýdiń ekinshi jolyn atady.

«Munda jeke kásipker retinde tirkelýdiń qajeti joq. Eger ol oblys ortalyǵynda nemese iri qalalarda turǵyn úı tapsyrsa, esep aıyrysý aıynyń basyna deıin 1 AEK tóleýi kerek. Al, aýdandyq deńgeıde 0,5 AEK tóleýi shart. Mundaı rejımdi paıdalanatyn 120 myńnan astam adam bar», - dep túsindirdi vıtse-mınıstr.

Páter jaldaýdyń úshinshi jolyn 2 myńǵa jýyq adam ǵana qoldanyp júrgen kórinedi.

«Jeke tulǵalar tabysy múliktik kiriske teń bolsa, atalǵan kiristi bir jyldan keıin deklaratsııalaı alady jáne jalǵa alynǵan somanyń 10%-yn tóleı alady. Aıtalyq, eger ol bir jyl ishinde 2 mln teńgege tapsyrsa, ol deklaratsııada osy somany kórsetip, 200 myń teńge tóleıdi. 2021 jyldyń qorytyndysy boıynsha 2 myńǵa jýyq adam osy tásildi qoldandy», - dedi Erjan Birjanov.