Elimizde qaldyqtardy jikteýdiń jańa tetigi engizilmek

NUR-SULTAN. QazAqparat – Qazaqstanda qaldyqtardyń jikteýdiń jańa tetigi engizilmek. Bul týraly QR Ekologııa, geologııa jáne tabıǵı resýrstar mınıstri Maǵzum Myrzaǵalıev málim etti, dep habarlaıdy QazAqparat tilshisi.

«Ekologııalyq kodekstiń jańa redaktsııasynda qaldyqtar qaýiptiliginiń 3 deńgeıinen bas tartyp, Eýropalyq qaldyqtar katalogyna kóshý usynylady. Qoldanystaǵy qaldyqtar jiktemesiniń kemshiligine toqtalsaq, uqsas qaldyqtar kodırovkasynda ártúrli túsinik berý múmkindigi bar. Mysaly, kúldi qaýiptiliktiń jasyl (kómirde jumys isteıtin energoqondyrǵylardan ushatyn kúl), sondaı-aq qyzyl deńgeıine (kúl jáne qaldyqtar) jatqyzýǵa bolady», - dedi mınıstr Májiliste jańa Ekologııalyq kodeks jobasyn tanystyra otyryp.

Eýropalyq qaldyqtar katalogyna negizdelip usynylyp otyrǵan synyptaýyshtyń artyqshylyǵy - ol qaldyqtardy qaýiptilerge jáne qaýipsizderge bólý.

«Óndiris jáne tutyný qaldyqtaryn basqarýdy jetildirý boıynsha usynylyp otyrǵan sharalar túpkilikti nátıjede stıhııalyq qoqys oryndaryn joıýǵa, polıgondar salýǵa arnalǵan bıýdjet shyǵystaryn qysqartýǵa, sondaı-aq ekologııaǵa jáne adam densaýlyǵyna teris áserin azaıtýǵa múmkindik beredi», - dedi Myrzaǵalıev.