Elimizde ІT mamandardy oqytatyn úzdik 10 joǵary oqý ornynyń pýly quryldy
«Búgingi kúni elimizde IT-maman daıarlaıtyn 2 mamandandyrylǵan joǵary oqý orny bar. Olar úzdik halyqaralyq áriptestermen birge oqý baǵdarlamalaryn daıyndaýda. Sonymen qatar úzdik 10 joǵary oqý ornynyń pýly quryldy. Olar da óz oqý baǵdarlamalaryn halyqaralyq ýnıversıtettermen birge daıyndaǵan. Osy joǵary oqý oryndary IT-mamandardy oqytý júıesiniń ózegi bolady. Sol sebepti, joǵaryda atalǵan tájırıbeni elimizdiń basqa da oqý oryndarynda engizýdi qajet dep sanaımyz», - dedi Asqar Jumaǵalıev Úkimet otyrysynda.
Mınıstrdiń aıtýynsha búgingi kúni elimizde bolashaq mamandardy daıarlaý boıynsha tıimdi tásilder engizilip jatyr.
«Tsıfrlyq daǵdylardy meńgergen aýdıtorııany qamtý úshin barlyq óńirde baǵdarlamalaý mektepteri sııaqty túrli bastamalar engizilgen. Onyń ishinde «tipti daǵdysy joq» adamdarǵa arnalǵan baǵdarlamalar engizilgen. Kelesi kezeń – IT-naryǵynyń óz baǵdarlamalary. Mysaly: Bılaın, Kaspı bank, Chokofemılı sııaqty kompanııalary óz bastamalaryn engizdi. Sonymen qatar, ındýstrııadaǵy IT daǵdysy bar middle jáne senior manager býynyn daıyndaý. Búgin de olardy Alem jáne QWANT ınnovatsııalyq mektepteri daıarlap jatyr. Mundaı mektepterdiń tıimdiligi halyqaralyq tájirıbede tanylǵan. Sondyqtan biz Almaty, Qaraǵandy, Shymkent qalalarynda (IT-kompanııasy barynsha kóp qalalar) osyndaı ІT mektepterin kóbeıtýdi usynamyz», - dedi ol.