Elimizde ishki týrızmniń damýyna áleýmettik jelilerdiń tanymaldyǵy túrtki boldy - Denıs Lýkıanchýk

NUR-SULTAN. QazAqparat - Mańyzdy maqsat - ekologııalyq mádenıetti damytý. Bul týraly «Anytravel» JShS-niń dırektory Denıs Lýkıanchýk aıtty, dep habarlaıdy QazAqparat tilshisi.

«Mańyzdy maqsat - eldiń ishinde ekologııalyq mádenıet pen ekologııalyq týrızmdi damytý. Bul úshin ákimshilik aıyppulengizip, azamattardyń qoqysty kez kelgen jerge tastap ketpeýin qadaǵalaý qajet. Óıtkeni, bizdi eshkim qoqysty kóringen jerge tastap ketýge, qabyrǵalarǵa birdeńe jazýǵa májbúrlemeıdi. Elimizde ishki týrızmniń damýyna áleýmettik jelilerdiń tanymaldyǵy túrki boldy. Qazirgi ýaqytta belsendi demalyspen aınalysyp, Qazaqstan boıynsha saıahat jasaý úshin uıaly telefon men saıahatqa arnaǵan qosymsha bolsa jetkilikti»,- dedi ol Ortalyq kommýnıkatsııalar qyzmetindegi baspasóz máslıhatynda.

Onyń atap ótýinshe, Qazaqstanda belsendi demalystyń kez kelgen túrimen aınalysýǵa múmkindik mol. Belsendi demalýǵa arnalǵan ınfraqurylymnyń damýy da týrıster sanynyń artýyna septigin tıgizip otyr. Sondyqtan da búginde qazaqstandyqtar otbasymen tabıǵat aıasynda uzaq ýaqyt serýendeıtin boldy.

«Biraq, ókinishke oraı barlyǵy birdeı tabıǵat aıasynda, demalǵan kezde óziniń qalaı ustap, qandaı erejelerdi saqtaý qajettigin bile bermeıdi. Menińshe, úgit-nasıhat jumystar qajet-aq», - dedi Denıs Lýkıanchýk.