Elimizde ishki týrıster sany 8 mln adamnan asyp, rekord jańardy

ASTANA. QazAqparat - Qazaqstanda ishki týrıster sany boıynsha rekord jańartyldy. 2022 jylǵy kórsetkishterdiń qorytyndysyna saı ishki týrısterdiń sany 8,6 mln adamǵa jetti. Bul 2021 jylmen salystyrǵanda 1,7 mln adamǵa kóp. Bul týraly QazAqparat Mádenıet mınıstrligine silteme jasap habarlaıdy.

Sondaı-aq elimizde demalys oryndarynyń sany birneshe júzge artqany da mańyzdy. Máselen, byltyr týrısterdi ornalastyrýǵa arnalǵan 284 jańa oryn tirkelgen, elimiz boıynsha olardyń jalpy sany 4 myńǵa jetti. Al bir mezgildegi syıymdylyq 10 myń birlikke artyp, 203 myńnan astam tósek-oryndy qurady.

«Bizge sheteldik qonaqtardy tartýmen qatar ishki týrızm kórsetkishteri de mańyzdy. Mysaly, elimizde bir jyldan astam ýaqyt boıy Kids go Free baǵdarlamasy jumys isteıdi, sonyń arqasynda balalarǵa Qazaqstan boıynsha tegin ushaq bıletteri usynylady. Sondaı-aq el ishinde saıahattaıtyn azamattar úshin týrıstik keshbek engizý josparlanyp otyr. Biz qazirdiń ózinde bar destınatsııalar men ishki týrızmge degen qyzyǵýshylyqty arttyrý baǵytynda jumysty jalǵastyramyz», — dedi Mádenıet jáne sport vıtse-mınıstri Erjan Erkinbaev.