Elimizde ınternet arqyly jasalatyn alaıaqtyq qylmys sany ósken
«Ótken aptada Memleket basshysy Qasym-Jomart Toqaev Іshki ister mınıstri Erlan Turǵymbaevty qabyldady. Vedomstva basshysy Prezıdentke eldegi krımınogendik ahýal men ishki ister organdary jumysynyń nátıjeleri týraly baıandaldy. Erlan Turǵymbaev qylmystyń kóptegen túrlerin ashý kórsetkishteri jaqsarǵanyn aıtty. Kisi óltirý, tonaý, buzaqylyq, urlyq, sondaı-aq, kámelettik jasqa tolmaǵandar arasynda jasalǵan quqyq buzýshylyqtar sany azaıǵan», - dedi N. Oraz onlaın brıfıngide.
Onyń aıtýynsha, qoǵamdyq oryndar men kóshedegi qaýipsizdik deńgeıi joǵarylaǵan. Alaıda, ınternet jelisin paıdalaný arqyly jasalatyn alaıaqtyq qylmystar sany ósip otyr. Buǵan - pandemııa kezindegi onlaın-qyzmetterdiń ósýi yqpal etti.
«Memleket basshysyna vaktsına boıynsha jalǵan qujattar jasaý faktileriniń jolyn kesý jóninde qabyldanyp jatqan sharalar týraly aıtyldy. Jyl basynan beri vaktsınatsııa pasporttaryn jáne PTR-anyqtamalaryn jasaǵany úshin 110 qylmystyq is qozǵalǵan. Mınıstr ІІM bólimshelerindegi jeke quram qyzmetkerleriniń 96 paıyzy ekpe alǵanyn jetkizdi. Kezdesý qorytyndysy boıynsha Qasym-Jomart Toqaev mınıstrlikke basqa memlekettik organdarmen birlesip, karantın sharalaryn qamtamasyz etýge erekshe kóńil bólýdi, sondaı-aq kámeletke tolmaǵandarǵa qarsy qylmystardyń, turmys salasyndaǵy quqyq buzýshylyqtardyń aldyn alý jáne jol qaýipsizdigin qamtamasyz etý jónindegi jumysty jandandyrýdy tapsyrdy», - dedi resmı ókil.