Elimizde halyq sany bir jylda 255 myńǵa artty
AHAT organdary usynǵan azamattyq hal aktileri jazbalaryndaǵy málimetterdi óńdeý nátıjesinde, 2016 jyldyń qańtar-sáýirde týylǵandar sany 131,1 (2015 jylǵy qańtar-sáýirde - 127,0) myń adamdy qurady, bul 2015 jyldyń qańtar-sáýirine qaraǵanda 3,2%-ǵa kóp. Týý kezektiligi boıynsha birinshi, ekinshi jáne úshinshi týǵandardyń úles salmaǵy sáıkesinshe 32% (34%), 29% (28%) jáne 19% (18%) qurady. Týýdyń jalpy koeffıtsıenti 1000 adamǵa 22,29 (22,02) týylǵandardy qurady.
Qarastyrylyp otyrǵan kezeńde qaıtys bolǵandar sany - 45,0 myń adam. Ólim-jitimniń jalpy koeffıtsıenti 1 000 adamǵa 7,65-ten kelediń.
2016 jylǵy qańtar-sáýirde respýblıka halqynyń tabıǵı ósimi 2015 jylǵy sol kezeńmen salystyrǵanda 4,5 myń adamǵa nemese 5,5% kóbeıip, 86,1 (81,6) myń adamdy qurady.
Kóshi-qon polıtsııasy organdary usynǵan kelý/ketýdi statıstıkalyq esepke alý talondaryndaǵy málimetterdi óńdeý nátıjesinde, 2016 jylǵy qańtar-sáýirde elimizge turǵylyqty turýǵa kelgenderdiń tirkelý sany (kóship-qonýshylar) 2015 jylǵy qańtar-sáýirmen salystyrǵanda 23,9% kemip, 4 142 adamdy qurady. Elimizden ketken kóship-qonýshylardyń tirkelý sany 16,3% kóbeıip, 7 663 adamdy qurady, kóshi-qonnyń aıyrymy -3 521 adam boldy. Elimizdegi negizgi kóshi-qon almasýy TMD memleketterimen bolýda. TMD elderinen kelgenderdiń jáne sol elderge ketkenderdiń úlesi, tıisinshe, 73,5% jáne 88,1% qurady.
Qarastyrylyp otyrǵan kezeńde 2015j. qańtar-sáýirmen salystyrǵanda el ishinde kóship-qonýshylar sany 17,6% azaıyp, 133 695 adamdy qurady. Óńiraralyq kóship-qonýshylardyń úlesine elimizdiń jalpy ishki kóship-qonýshylar sanynyń 42,7% tıesili. Óńiraralyq kóshi-qonnyń oń aıyrymy Almaty (12 426 adam), Astana (16 adam) qalalarynda jáne Pavlodar (265 adam), Aqmola (249 adam), Qostanaı (246 adam), Mańǵystaý (196 adam), Atyraý (190 adam) oblystarynda qalyptasty.