Elimizde ǵylymdy qarjylandyrýdyń jańa tetigi engiziledi

NUR-SULTAN. QazAqparat – Parlament Senatynyń otyrysynda depýtat Baqtybaı Shelpekov osy suraqty Bilim jáne ǵylym vıtse-mınıstri Sholpan Qarınovaǵa qoıdy, dep habarlaıdy QazAqparat tilshisi.

«Zań jobasyn qarastyrylyp otyrǵan normalar ǵylym salasyn ary qaraı damytýǵa úlken úles qosady dep kútilýde. Sonyń ishinde ǵylym salasyndaǵy naqty engizilip otyrǵan zań normasynda ózgerister, onyń ishindegi naqty ǵylymı keńesterdiń jumysyn úılestirýge, odan keıin Ulttyq ǵylymı saraptama ortalyǵynyń ashyqtyǵyn qamtamasyz etýge, ǵylym salasyna bólingen qarajattyń ashyqtyǵy men tıimdiligin qamtamasyz etýge baǵyttalǵan normalar bar», - dedi Sholpan Qarınova ǵylym jónindegi zań jobasy talqylanǵan Senat otyrysynda.

Vıtse-mınıstr sondaı-aq ǵylym salasyn qarjylandyrý jónindegi Prezıdent tıisti tapsyrma bergenin aıtyp ótti.

«2020 jyly 2019 jylmen salystyrǵanda qarjylandyrý 42 paıyzǵa ulǵaıtyldy. Al bıyl 2021 jyly bul kórsetkish taǵy 17 paıyzǵa ulǵaıtylǵanyn kórip otyrmyz. Sonymen qatar Memleket basshysy qarjylandyrýdy jer qoınaýyn paıdalanýshylardyń esebinen 1 paıyzǵa arttyrý jónindegi tapsyrma bergen. ıAǵnı, aldaǵy ýaqytta ǵylym tek memlekettik bıýdjetten emes, jer qoınaýyn paıdalanýshylar arqyly da qarjylandyrylady», - dedi ol.