Elimizde gazdy tıimdi paıdalanýdy yntalandyrýǵa baǵyttalǵan tetik iske qosylady
«Prezıdenttiń Parlament Májilisiniń segizinshi shaqyrylymynyń birinshi sessııasynda bergen tapsyrmasyn oryndaý úshin Energetıka mınıstrligi Ulttyq ekonomıka mınıstrligimen jáne «QazaqGaz» UK» AQ-men birlesip, Energııany tıimdi jáne gazdy únemdep tutyný josparyn ázirlep jatyr. Qazirgi kezde Mınıstrlik klımattyq jaǵdaılarda jáne jylytý maýsymynyń uzaqtyǵyn eskere otyryp, ár aımaq úshin taýarlyq gazdy tutyný normalaryn jeke belgileý nusqasyn qarastyryp jatyr», - delingen Energetıka mınıstrliginiń QazAqparatqa bergen jaýabynda.
Vedomstvo málimetinde, gazdy tutynýdyń belgilengen normalarynan asqan kezde, artyq shyǵyn úshin joǵary koeffıtsıentter nemese deferentsııalanǵan baǵa qoldanylady.
«Bul tetik gazdy utymdy tutynýǵa yntalandyrýǵa múmkindik beredi», - deıdi Energetıka mınıstrligi mamandary.
Sonymen qatar, Ulttyq ekonomıka mınıstrligi ádil tarıftik saıasatty engize otyryp, gazdy tıimdi paıdalaný jospary pysyqtalyp jatqanyn rastady.
«Atalǵan tapsyrmany oryndaý maqsatynda, QR Energetıka mınıstrligi múddeli uıymdardy tarta otyryp («QazaqGaz» AQ, «QazTransGaz Aımaq» AQ), Taýarlyq gazdy energııalyq tıimdi jáne utymdy paıdalaný josparyn ázirlep jatyr. Qazirgi ýaqytta memlekettik organdar turǵyndar úshin ádil tutyný normalaryn belgileý boıynsha taldaý júrgizip jatyr. Onyń qorytyndysy boıynsha Energetıka mınıstrligi energııany tıimdi jáne utymdy tutyný normalaryn belgileıtin normatıvtik-quqyqtyq aktilerdi ázirleýdi josparlap otyr», - dep atalyp ótken Ulttyq ekonomıka mınıstrliginiń QazAqparat agenttigine bergen jaýabynda.
Budan buryn habarlanǵandaı, naýryz aıynda VIII saılanǵan QR Parlamentiniń birinshi sessııasynyń otyrysynda Memleket basshysy Qasym-Jomart Toqaev záýlim úılerin kúndiz-túni tómen tarıfpen jylytatyndar úshin jańa júıe boıynsha gazdyń tekshemetri qymbatyraq bolýy tıis ekenin aıtty.
Úkimet basshysy Álıhan Smaıylov bıyl sáýir aıynda gaz salasyna ádil tarıftik saıasatty engizýdi tapsyrǵan edi.