Elimizde eýropalyq úlgidegi jańa jol belgileri ornatyla bastady

TARAZ. QazAqparat - Elimizde alǵash ret eýropalyq úlgidegi joldyń qaýipsizdik belgileri ornatyla bastady, dep habarlaıdy QazAqparat «QazAvtoJol» kompanııasyna silteme jasap.

Atalmysh belgiler kólikterdiń qaýipsizdigi úshin ornatylýda.

«Eýropalyq úlgidegi jańa belgileri Jambyl óńirindegi A2 «Almaty-Tashkent-Termez» avtojoly «Taraz qalasy aınalma joly» ýchaskesiniń 484 shaqyrymynda, «Kúıik asýyn aınalyp ótý» jolynyń 556 km, Nurlykent eldi mekeniniń tusyndaǵy 567 shaqyrymynda (kólikterdiń keri burylatyn jer) qoıyldy. Jańa úlgidegi jol belgileri qarańǵy kezde jol jıegine jaryq túsiredi, júrgizýshilerdiń nazarlaryn aýdaryp jypylyqtap turady», delingen habarlamada .

Mamandardyń aıtýynsha, atalmysh shara júrgizýshiniń joldaǵy jaǵdaıǵa jeńil beıimdelýine jáne apattyń aldyn alýǵamúmkindik beredi.

Aıta keterligi, «QazAvtoJol» kompanııasy aldaǵy ýaqytta qaýipsiz qozǵalysty qamtamasyz etetin mundaı jol belgilerin halyqaralyq dálizder men respýblıkalyq mańyzy bar joldarǵa ornatýdy josparlap otyr.