Elimizde eshqashan jumys istemegen 325 myń áıel bar

ASTANA. QazAqparat – Qazaqstanda qansha jumyssyz áıel bar jáne oǵan ne sebep? Atalǵan saýalǵa Eńbek jáne halyqty áleýmettik qorǵaý mınıstri Tamara Dúısenova jaýap berdi, dep habarlaıdy QazAqparat tilshisi.

«Elimizde jumys kúshiniń 50%-y áıelderge tıesili. Jumyssyz áıelderdiń qatarynda bala kútimine baılanysty úıde otyrǵandar kiredi. Sonymen qatar, aýyl áıelderi bar, olardy eńbekpen qamtý qıyndaý. Jumyssyz áıelder sanynyń artýy osy sebeptermen baılanysty dep oılaımyn.

«Kúmis jas» jobasy aıasynda zeınet jasyndaǵy áıelder sany, olardyń qanshasy eńbekpen qamtylǵany nemese jumyssyz otyrǵany anyqtaldy.

Elimizde 50 jastan asqan 964 myń áıel bar. Sonyń ishinde 325 myń áıel jumyssyz, ıaǵnı eshqashan jumys istemegen, eńbek ótili joq. Kóbi sol – balamen úıde otyrǵandar», - dedi Tamara Dúısenova Ortalyq kommýnıkatsııalar qyzmeti alańynda ótken baspasóz máslıhatynda.

Eske salaıyq, buǵan deıin elimizde jumyssyz áıelder úlesiniń artqany týraly habarlaǵan edik.

Energyprom.kz resýrsynyń dereginshe, jumyssyz áıelder sany bir jylda birden 4,3%-ǵa ósip, ótken jyldyń úshinshi toqsanynda 257,4 myń adamǵa jetken.