Elimizde er adamdar jıi joǵalady – ІІM

ASTANA. QazAqparat – Elimizde er adamdar jıi joǵalady. Al áıelder arasynda kóbine spırttik ishimdikti asyra paıdalanatyndar, qolaısyz otbasynan shyqqandar joǵalady eken. Bul týraly QR ІІM Krımınaldyq polıtsııa departamenti asa mańyzdy ister jónindegi aǵa jedel ýákili Nurlan Temirbaev málim etti, dep habarlaıdy QazAqparat tilshisi.

«Statıstıka kóbinese er adamdardyń joǵalatynyn kórsetip otyr. Bul olardyń maýsymdyq jumystarǵa, (kólik júrgizý, júk tasymaldaý taǵy sol sııaqty) túrli qyzmettik issaparlarǵa shyǵýymen baılanysty. Áıelder arasynda kóbine spırttik ishimdikterdi asyra paıdalanatyndar, al jasóspirimder boıynsha qolaısyz otbasynan shyqqandar joǵalyp jatady», - dedi Nurlan Temirbaev mınıstrlikte ótken brıfıngide.

QR ІІM ókiliniń málimdeýinshe, habar-osharsyz joǵalyp ketetin 100 adamnyń 80-i tabylyp, jaqyndaryna qaıtarylady.

«Kámeletke tolmaǵandardyń úıinen qashatyn sebebi ata-anasymen janjaldasyp qalýy nemese ata-anasy ishetin bolǵandyqtan balalary bólek turǵysy keledi. Ata-ana quqyǵynan aıyrǵannan keıin onyń balalaryn arnaıy ortalyqtarǵa jiberedi. ıAǵnı balalar úıine. Keıde balalar ol jerden de qashyp ketip jatady. Bunyń sońy adamnyń joǵalýyna alyp keledi, sosyn izdeý salynady. Sondaı-aq balalardyń uzaq ýaqyt oıyn klýbtarynda júrýi men ata-ananyń jazasynan qutylý úshin úıden jáne mektepten qashý faktileri oryn alady», - deıdi ol.

Aıta ketsek, bıyl 9 aıda elimizde 2075 adam joǵalyp ketken.