Elimizde endi aýtızmi bar balalarmen robottar jumys isteıdi

ASTANA. QazAqparat – Elimizdiń 4 óńirinde «Samuryq-Qazyna» qorynyń qoldaýymen aýtızmi jáne aqyl-oı kemistigi bar balalarǵa arnalǵan memlekettik ortalyqtar ashyldy, dep habarlaıdy QazAqparat.

Qordyń baspasóz qyzmetinen málim etkendeı, munda aýtızmi bar balalarmen jumys isteýdiń ozyq ádisteri, onyń ishinde robot terapııasy qoldanylady. Aýtıst balalardyń kóbi muǵalimmen kóz túıistirýden qashyp, nusqaýlardy oryndaı bermeıdi. Sondyqtan robottar olardyń janyna jara salmaı, ómirge beıimdelýge úıretedi.

Robot terapııasy kabınetinde eki robot – NAO jáne Mirai bar. NAO án aıtyp, bı bıleıdi, ertegiler aıtyp, janýarlardy sıpattaı alady. Al Mirai ártúrli keıipke enip, mysaly dáriger, polıtseı bolyp, ómirde bolatyn túrli jaǵdaılarǵa beıimdelýge úıretedi.

Ortalyqtar Shymkent, Pavlodar, Taldyqorǵan jáne Óskemen qalalarynda ashyldy. Onyń árqaısysynda jyl saıyn 125 balaǵa kómek kórsetiledi.

«Samruk-Kazyna Trust» jáne «Qazaqstan halqyna» qory jyl sońyna deıin mundaı ortalyqtardy Aqtóbe, Jambyl, Qostanaı jáne Mańǵystaý oblystarynda ashýdy josparlap otyr.