Elimizde elektr energııasyn satý tetikteri jetildirildi
«Jyl saıyn, tasqyn sýdyń ulǵaıýyna baılanysty satyp alýshylardan elektr energııasynyń qosymsha kólemin tómendetilgen baǵamen satyp alý múmkindigi paıda bolady. Alaıda buryn osy elektr energııasyn satý tetiginiń keıbir kemshilikterine baılanysty kóptegen satyp alýshy saýda-sattyqqa qatysa almaıtyn. Birqatar sharttar olardyń qatysýyn shekteıtin edi», - delingen habarlamada.
10 sáýirde Energetıka mınıstrliginiń qoldaýymen GES óndiretin elektr energııasynyń saýda-sattyǵy tyń qaǵıdalar boıynsha ótkizildi. Osynyń arqasynda arzan elektr energııasyn satyp alýǵa jańa satyp alýshylar da qatysýǵa múmkindik alǵan. Bul degenimiz «oıyn sharttary» barlyq satyp alýshylar úshin barynsha obektıvti bolatynyn, daǵdarys jaǵdaıynda elektr energııasynyń ózindik qunyn tómendetýge múmkindik beretinin bildiredi.
Mamandardyń aıtýynsha, bul shara naryqtyń yqtımal úlestestigin joıýǵa múmkindik berip, elektr energııasy naryǵyndaǵy básekelestikti damytýǵa jańa serpin bolady.
«10 sáýirde tabıǵat qorǵaý maqsatynda sý jiberý kezeńinde GES óndiretin elektr energııasynyń ortalyqtandyrylǵan saýda-sattyǵyna elektr energııasynyń kóterme saýda naryǵynyń 71 sýbektisi, onyń ishinde 68 satyp alýshy jáne 3 satýshy qatysty. Elektr energııasyna suranys 1 458,6 mln kVt saǵatty qurady. Elektr energııasynyń satyp alynǵan/satylǵan kólemi 301,2 mln kVt/saǵatty qurady. Qorytyndysy boıynsha 13 mámile jasaldy», - dep habarlaıdy mınıstrlikten.
Elektr energetıkasyn damytý departamentiniń dırektory Aıdos Dáribaevtyń aıtýynsha, bul zańnamalyq bastamalar naryqtyq qarym-qatynasty damytý úshin jaǵdaı jasaý maqsatynda ortalyqtandyrylǵan saýdany uıymdastyrý tetikterin jetildiredi.
Qaǵıdalarǵa engizilgen eleýli ózgerister satyp alýshylarǵa birinshi kezeńde óziniń baǵa usynystarymen 30 mınýt ishinde «shyǵýyn», al satýshylarǵa saýda sessııasynyń kelesi 30 mınýtynda ótinim berýin jáne suranys qanaǵattandyrylǵan jaǵdaıda – juptardy avtomatty túrde qalyptastyrýdy qamtamasyz etti. Eń mańyzdysy – saýda júıesindegi barlyq is-áreketter ıesizdendirilgen, is júzinde qatysýshylar arasyndaǵy sóz baılasý faktory alynyp tastalǵan.