Elimizde elektr energııasyn óndirý boıynsha jospar tolyq oryndaldy

NUR-SULTAN. Qaz-Aqparat – Bıyl elimize 40 mlrd kVt/saǵat elektr energııasy óndirildi, ıaǵnı jospar 100% oryndaldy. Bul týraly Úkimet otyrysynda QR Energetıka mınıstri Nurlan Noǵaev aıtty, dep habarlaıdy QazAqparat tilshisi.

«Bıylǵy tórt aıda 18,1 mlrd tekshe metr kóleminde gaz óndirildi. Taýarlyq gazdy ishki tutyný kólemi 7,8 mlrd tekshe metrge jetip, jospar 110% oryndaldy. Suıytylǵan munaı gazyn óndirý kólemi 1,07 mln tonna boldy, al eksportqa shyǵarylǵan gaz kólemi 2,87 mlrd tekshe metrdi qurady», - deıdi Nurlan Noǵaev.

Onyń aıtýynsha, atalǵan kezeńde 40 mlrd kVt/saǵat elektr energııasy óndirildi, ıaǵnı jospar 100% oryndaldy.

«Birinshi toqsannyń qorytyndysy boıynsha jańartylatyn energııa kózderi nysandary óndirgen elektr energııasynyń kólemi 0,8 mlrd Kvt/saǵ qurap otyr, ıaǵnı jospar 100% oryndaldy. Negizgi kórsetkishterge qol jetkizý mınıstrliktiń turaqty baqylaýynda», - deıdi ol.