Elimizde elektr energııasy tapshylyǵy týyndaýy múmkin be – mınıstrlik jaýaby

NUR-SULTAN. QazAqparat – Qazaqstanda elektr energııasy tapshylyǵyna qatysty alańdaýshylyqqa negiz bar ma? Bul suraqqa QR Energetıka mınıstriniń birinshi orynbasary Murat Jórebekov jaýap berdi, dep habarlaıdy QazAqparat tilshisi.

«Elektr energııasyn tutynýǵa qatysty statıstıkaǵa súıensek, sońǵy jyldary suranys artqany baıqalady. ıAǵnı elektr energııasyn tutyný ár jyl saıyn 1-2 paıyzǵa ósip otyr. Ásirese bıyl 10 aıdyń ishinde tutyný kórsetkishi kúrt artty, 8 paıyzdy qurady. Bul jerde áńgime 1000-12000 MVt elektr energııasy týraly bolyp otyr. Bul jaıtty biz maınerlermen baılanystyryp otyrmyz. Búginde elimizde 50-ge jýyq maınıngtik data ortalyǵy bar. Jalpy maınıngtik uıymdarǵa artatyn kiná joq, degenmen otandyq naryqta kóleńkeli maınıngtik qyzmetpen aınalysatyn kompanııalardyń baryn da jasyrmaý kerek. Jáne olardyń úlesi jyl saıyn artyp keledi», - dedi Murat Jórebekov OKQ-de ótken baspasóz máslıhatynda.

Osy oraıda vıtse-mınıstr kóleńkeli maınıngtik kompanııalarǵa qarsy kúres júrgiziletinin eske saldy.

Sondaı-aq, M. Jórebekov «Elimizde elektr energııasy tapshylyǵy týyndaýy múmkin be?» degen saýalǵa qatysty pikir bildirdi.

«Joq, biz tapshylyqtyń týyndaýyn kórip turǵan joqpyz. Elimizde elektr energııasy júıesi turaqty, degenmen tutynýdyń artýyna baılanysty aldyn alý sharasyn qabyldaǵan jón. Jáne baǵa turaqtylyǵy da nazarda bolýy tıis. Sonymen qatar zańsyz jumys isteıtin maınıngtik uıymdardyń máselesin qolǵa alý kerek. Elektr energııasyn aýqymdy kólemde qoldanatyn solar», - dep jaýap berdi mınıstrdiń birinshi orynbasary.

Onyń aıtýynsha, 1000-1200 MVt elektr energııasyn óndirý úshin 5 jyl ýaqyt jáne 1-1,5 mlrd AQSh dollary kóleminde qarjy kerek eken.

Buǵan deıin elimizde benzın baǵasynyń ósýine negiz joq ekeni aıtyldy .