Elimizde elektr energııasy arzandady

NUR-SULTAN. QazAqparat - Qazaqstanda elektr energııasynyń tarıfy 2019 jyldyń naýryz aıynda týra bir jyl burynǵy kórsetkishke qaraǵanda 8 paıyzǵa arzandady, dep habarlaıdy QazAqparat energyprom.kz-ǵa silteme jasap.

Belgili bolǵandaı, elektr energııasynyń tarıfy Qazaqstanda naýryz aıynda elektr plıtasyn qoldanbaıtyn jáne ózge de qurylǵylardy paıdanalatyn qazaqstandyqtar úshin birshama arzandaǵan.

Naqtyraq aıtqanda, elektroplıtany qoldanbaıtyn respýblıka turǵyndary úshin 100 kVt/saǵattyń baǵasy: 1-shi deńgeıdegi tutyný úshin 1 133 teńgeni (2018 jyldyń naýryz aıymen salystyrǵanda 8,4 paıyzǵa arzandaǵan), 2-shi deńgeıdegi tutyný úshin 1 458 teńgeni (-6,7%), 3-shi deńgeıdegi tutyný úshin 1 799 teńgeni (-5,5%) quraǵan. Elektroplıtalardy qoldanatyndar úshin 100 kVt/saǵattyń baǵasy: 1-shi deńgeıdegi tutyný úshin 1110 teńge (-8,7%), 2-shi deńgeıdegi tutyný úshin 1458 teńge (-6,9%), 3-shi deńgeıdegi tutyný úshin 1800 teńge (-5,4%) bolǵan.

Ulttyq ekonomıka mınıstrligi Statıstıka komıtetiniń málimetterine súıensek, 2019 jyldyń qańtar-naýryz aılarynda elektr energııasynyń óndirisi 28,1 mlrd kVt/saǵatty quraǵan (ótken jyldyń tıisti kezeńimen salystyrǵanda 4,6 paıyzǵa az). Elektr energııany jetkizý jáne taratý shyǵyndary 286,2 mlrd teńgeni (ótken jyldyń shyǵynan qaraǵanda 13,9 paıyzǵa az) kórsetken.

Qazaqstannyń elektr energııasy júıesiniń biryńǵaı operatory - «Elektr jelilerin basqarý jónindegi Qazaqstan kompanııasy» (Kazakhstan Electricity Grid Operating Company, qysqasha KEGOC). Qazaqstanda elektr energııasyn ártúrli ıeliktegi 138 elektr stantsııalary óndiredi.