Elimizde Ekologııalyq jastar teatry ashylmaq
16:18, 26 Mamyr 2021
NUR-SULTAN. QazAqparat – Elimizde Ekologııalyq jastar teatryn ashý josparlanyp otyr. Bul týraly halyqqa esep berý kezdesýinde QR Aqparat jáne qoǵamdyq damý mınıstri Aıda Balaeva aıtty, dep habarlaıdy QazAqparat tilshisi.
«Jastardyń ekologııalyq saýattylyq deńgeıin arttyrý – búgingi kúnniń ótkir taqyryptarynyń biri. Bul baǵytta, mınıstrlik tarapynan júıeli jumystar legi atqarylyp keledi. Bıylǵy 25 sáýir men 25 mamyr aralyǵynda el boıynsha 80 myńnan astam jastar ókilin qamtyǵan «Kıeli tabıǵat» respýblıkalyq ekologııalyq jobasy iske asty»,- dedi Aıda Balaeva.
Mınıstr bul baǵytta negizinen aqparattyq-aǵartý jumysyna basa nazar aýdarylatyndyǵyn basa aıtty.
«Aldaǵy ýaqytta Ekologııalyq jastar teatry men arnaıy YouTube-arna ashý josparda bar», - dedi ol.