Elimizde daýlardyń 40 paıyzy tatýlasý arqyly sheshilýde
«Іrikteý ashyqtyǵy - jemqorlyqqa qarsy is-qımyldyń basty faktory. Biz onymen qalaı kúresemiz? Kóptegen jyldar boıy sotqa talaptar ósip otyrdy. Tasqyn sııaqty. 2018 jyly 4,8 mln-ǵa jetti. Kúnine 20 myń is pen materıal túsedi. Ár sýdıa kún saıyn 11 sheshim qabyldady. Elorda men Almatyda kúnine 50 sheshimge jetedi. Dálizder ara omartasy sııaqty. Talap qoıýshy, jaýap berýshi, jankúıer sanynda esep joq. Osyndaı qarbalasta jemqorlyq táýekeli de joǵary. Ásirese, múddeler toǵysy men úlken aqshaǵa qatysty isterde. Biz kún saıyn 20 myńǵa jetetin konveıerdi 3 ese, 6 myńǵa deıin qysqarttyq. Іs az bolsa, jemqorlyq azaıady, sapa jaqsarady», - dedi Jaqyp Asanov.
Sonymen qatar ol zańdarǵa daýlasýy taraptardyń ortaq ymyraǵa kelip, daýdy beıbit jolmen sheshýge múmkindik beretin tetikter engizilgenin atap ótti.
«Sýdıa-tatýlastyrýshy» uǵymyn engizdik. Tatýlasýǵa beriletin ýaqytta uzarttyq. Buryn sýdıada «mynaý jeńdi, anaý jeńildi» dep aıtatyn bir-aq mindeti bolatyn. Qazirgi mindeti - tatýlastyrý. Eger adamdar ózderi mán-jaıdy sheship, qol alyssa, onda jemqorlyqqa múmkindik joq. Taıaýdaǵy túzetýlerden keıin beıbit jolmen bitetin daýlardyń 40 paıyzǵa jetkeni qýantady«, - dedi ol.