Elimizde daryndy ǵylymı qyzmetkerler materıaldyq turǵyda kótermelenbek
«QR-nyń keıbir zańnamalyq aktilerine ǵylym máseleleri boıynsha ózgerister men tolyqtyrýlar engizý týraly zań jobasyna Parlamenttiń bir top depýtatty bastamashy boldy. Zań jobasynda sybaılas jemqorlyq táýekelderin boldyrmaý jáne qarjylandyrý rásimderiniń ashyqtyǵyn qamtamasyz etý maqsatynda ǵylymı jáne ǵylymı-tehnıkalyq qyzmetti granttyq jáne baǵdarlamalyq nysanaly qarjylandyrýdyń quqyqtyq tetigin odan ary jetildirý kózdeledi. Sondaı-aq zań jobasynda ulttyq ǵylymı keńesterdiń sapalyq quramyna qoıylatyn talaptar kúsheıtiledi. Úzdik ǵylymı qyzmetker ataǵyn berý arqyly daryndy ǵylymı qyzmetkerlerdi materıaldyq kótermeleý sharalary qarastyrylady», - dedi Májilistiń jalpy otyrysynda atalǵan komıtetiniń tóraǵasy Beıbit Mamyraev.
Depýtattyń atap ótýinshe, ózgerister úsh zańǵa engiziledi.
«Komıtet osy zań jobasyn jumysqa qabyldap, ol boıynsha 2020 jylǵy 23 jeltoqsanǵa deıingi merzimge qorytyndy ázirleýge daıyn»,- dedi Beıbit Mamyraev.
Osydan keıin Májilis depýtattary qaýly jobasyn biraýyzdan qoldap daýys berdi.