Elimizde dárilik zattardy mindetti túrde tańbalaý engizilip jatyr

ASTANA. QazAqparat - Elimizde dárilik zattardy mindetti túrde tańbalaý engizilip jatyr. Bul týraly Tsıfrlyq ekonomıkany damytý ortalyǵynyń bas dırektory Bıkesh Qurmanǵalıeva aıtty, dep habarlaıdy QazAqparat tilshisi.

«2020 jyldan bastap temeki ónimderi, al 2021 jyldyń qarasha aıynan bastap aıaq kıim buıymdary mindetti túrde tańbalana bastady. Al qazirgi ýaqytta dárilik zattarydy mindetti túrde tańdalaý engizilip jatyr», - dedi Bıkesh Qurmanǵalıeva týraly elordada ótken telekommýnıkatsııa naryǵyn damytýǵa arnalǵan is-shara barysynda.

Onyń atap ótýinshe, erejege sáıkes, belgili bir taýar túrin mindetti tańdalaý engizilmes buryn ilki joba júzege asyrylady.

«Normatıvtik-quqyqtyq aıaǵa sáıkes, eń aldymen kez kelgen taýar tobyna qatysty ilki jobaǵa bastamashylyq jasalady. Sodan keıin retteýshilik yqpalǵa taldaý jasalyp, qoǵamdyq tyńdaý bolady. Múddeli barlyq memlekettik organmen, bıznes qoǵamdastyqpen, «Atameken» ulttyq palatasymen beligili bir taýar túrine tańdalaý engizýge qatysty sheshim kelisiledi. Tek osy is-sharalardan keıin sheshim qabyldanady. Qazir zergerlik buıymdarǵa, sýǵa jáne quramynda qant bar sýsyndarǵa qatysty ilki joba júzege asyrylyp jatyr. Alkogolge, jeńil ónerkásip pen sútke ilki joba júrgizildi. Úkimet bıznes qoǵamdastyqpen kelise otyryp, atalǵan taýar túrlerine mindetti tańdalaýdy ázir engizbeý sheshimin qabyldady. Jeńil ónerkásipke qatysty másele ashyq tur», - dedi ol.