Elimizde Chernobyl apatynyń zardabyn joıýǵa qatysqandarǵa eskertkish ashylady
15:30, 25 Sáýir 2016
ALMATY. QazAqparat - Almatyda erteń Chernobyl AES apatynyń zardabyn joıýǵa qatysqandarǵa arnalyp eskertkish ashylady, dep habarlady qalalyq ákimdiktiń baspasóz qyzmeti.
Jańa eskertkish A.Baıtursynov jáne Jambyl kósheleriniń qıylysyndaǵy Ahmet Baıtursynov atyndaǵy saıabaqta boı kóteredi.
Aıta ketý kerek, sáýirdiń 26-synda Chernobyl AES-indegi tehnogendik apattyń oryn alǵanyna 30 jyl tolady.
Qazaqstannan ıadrolyq apattyń saldaryn joıýǵa keı derekte 32 myń, keı derekte 40 myń adam attanǵan. Olardyń ishinde ár jyldary kóz jumyp, shetelge ketkenderden qazir 5 myńǵa jýyǵy qaldy.