Elimizde bólshek saýda kólemi 6 paıyzǵa artty
14:49, 14 Qazan 2021
NUR-SULTAN. QazAqparat – 2021 jylǵy qańtar-qyrkúıekte bólshek saýda kólemi 6 paıyzǵa artty, dep habarlaıdy QazAqparat tilshisi.
«2021 jylǵy qańtar-qyrkúıekte bólshek saýda kólemi 9186,1 mlrd teńgeni qurady nemese 2020 jylǵy tıisti kezeńine qaraǵanda 6 paıyzǵa kóp», - delingen QR Strategııalyq josparlaý jáne reformalar agenttiginiń Ulttyq statıstıka bıýrosy taratqan aqparatta.
Vedomstvo málimetinshe, osy jyldyń 9 aıynda respýblıkadaǵy bólshek saýdanyń jalpy kólemindegi edáýir joǵary úles salmaq Almaty qalasyna (32,1 paıyz), Nur-Sultan qalasyna (11,3), Qaraǵandy (8,9) jáne Shyǵys Qazaqstan (8,7) oblystaryna tıesili bolyp otyr.