Elimizde bir táýlikte 4 adam sýǵa batyp ketti
15:18, 08 Shilde 2023
ASTANA. QazAqparat - Ótken táýlikte elimizde jabdyqtalmaǵan oryndarda shomylǵan 4 adam qaıtys boldy, dep habarlaıdy QazAqparat.
«Ótken táýlikte shomylýǵa jabdyqtalmaǵan oryndarda 4 adam sýǵa batyp ketti, onyń ishinde 2011 jyly týǵan bir bala Atyraý oblysynan. Balalardyń ólimine baılanysty qaıǵyly oqıǵalardyń kópshiligi júze almaý, belgisiz jerlerde shomylý, sýdaǵy qaýipsizdik erejelerin saqtamaý, sondaı-aq balalardy eresekterdiń qaraýynsyz qaldyrýǵa baılanysty», - dedi TJM baspasóz qyzmetinen.
Tótenshe jaǵdaılar mınıstrligi azamattardy jaýapkershilikti sezine otyryp, sýdaǵy qaýipsizdik erejelerin saqtaýǵa shaqyrady.