Elimizde bir dárigerge 1 910 adamnan keledi - DSM

ASTANA. QazAqparat - Elimizde bir dárigerge tirkelgen halyqtyń sany boıynsha 1 910 adamnan keledi. Bul kórsetkish 17 50 adam bolýy úshin Densaýlyq saqtaý mınıstrligi qandaı jumystardy qolǵa alyp jatyr? Bul sharalarǵa Densaýlyq saqtaý vıtse-mınıstri Lázzat Aqtaev elordada ótip jatqan «Nur Otan» partııasy bastaýysh uıymdarynyń respýblıkalyq forýmynda keńinen toqtaldy, dep habarlaıdy QazAqparat tilshisi.

«Búgingi tańda elimizde bir dárigerge 1 910 adamnan tirkelgen. Buǵan qosa densaýlyq saqtaýdy damytý memlekettik baǵdarlamasyna sáıkes, bul kórsetkish - 1 750 adam bolýy kerek. Demek, maqsatty ındıktorǵa jetý úshin áli 247 ýchastok ashylýy tıis. Bul baǵyttaǵy jumys jalpy praktıkadaǵy dárigerlerge, alǵashqy medıtsınalyq-santıarlyq kómek kórsetetin dárigerge túsken júktemeni azaıtýǵa múmkindik beredi», - deıdi Lázzat Aqtaeva.

Onyń aıtýynsha, búgingi kúni Pavlodar jáne Soltústik Qazaqstan oblystarynda, Astana qalasynda bir dárigerge tipti 2 myńnan astam adamnan kelip otyr. ıAǵnı, bul kórsetkish jalpyrespýblıkalyq kórsetkishten de joǵary.

«Jańa ýchastoktardy ashyp qana júktemeni azaıtý kózdelip otyrǵan joq. Jańa alǵashqy medıtsınalyq-sanıtarlyq járdem nysandaryn ashyp ta bul máseleni retteýge bolady. Buǵan qosa jetýge ońaı bolarlyq nysandardy salǵan jón. Ol nysandarda sonymen birge jalpy praktıkadaǵy 7 nemese 10 dárigerden bolǵany abzal», - deıdi ol.

Vıtse-mınıstrdiń aıtýyna qaraǵanda, EYDU elderindegi standart boıynsha bir nysandaǵy ýchaskelerdiń sany jeteý ǵana. Al bizde bul ýchaskelerdiń sany bir nysanda 20 bolyp otyr.

«Kelesi jyly memlekettik-jekeshelik áriptestik aıasynda 70-ke tarta jańa alǵashqy medıtsınalyq-sanıtarlyq járdem nysanyn salý qajettigin aıtyp otyrmyz», - dedi Lázzat Aqtaeva.

Eske sala ketsek, elordada búgin «Nur Otan» partııasy bastaýysh uıymdarynyń respýblıkalyq forýmy ótip jatyr. Іs-sharaǵa elimizdiń barlyq óńirlerinen kelgen 600-den astam delegat qatysýda. Olardyń qatarynda bastaýysh partııa uıymdary men aımaqtyq partııa fılıaldarynyń basshylary, belsendi partııa músheleri bar. Odan bólek, forýmǵa belgili otandyq jáne sheteldik sarapshylar, Úkimet músheleri, Parlament depýtattary arnaıy qatysyp, partııa jumysyn jan-jaqty jandandyrý máselesin talqylaýda.