Elimizde bir apta ishinde 2655 qylmys jasaldy

ASTANA. QazAqparat – Ótken apta ishinde el kóleminde 2655 qylmys tirkeldi. Onyń ishinde 14 kisi ólimi bar. Bul týraly QR Іshki ister mınıstrliginiń ókili Shuǵyla Turlybek málim etti, dep habarlaıdy QazAqparat tilshisi.

«Ótken apta ishinde 2655 qylmys jasaldy. Onyń ishinde 1655 qylmys táýlik ishinde ashyldy. Polıtsııa qyzmetkerleri izin sýytpaı 14 kisi óltirýdi, 2 ólimge ákep soqqan densaýlyqqa qasaqana aýyr zııan keltirý qylmysynyń betin ashty. Odan bólek, tártip saqshylary 26 tonaý jáne 377 bóten múlikti urlaǵandardy ustady», - dedi Shuǵyla Turlybek QR ІІM-de ótken baspasóz máslıhatynda.

Sondaı-aq, atalǵan vedomstvo ókili turǵylyqty jeri boıynsha tirkelmegen azamattarǵa SMS habarlama jiberý jalǵasyp jatqanyn aıtty.

«Eger sizge SMS habarlama kelse, onda ishki ister mınıstrligi derekqorynda sizdiń tirkelýińiz týraly málimetter joq degen sóz. Siz turǵylyqty jerińizde tirkelýińiz kerek. Mundaı habarlamalardy jiberýdiń maqsaty - azamattardyń naqty turatyn jeri boıynsha tirkeýsiz turýyna baılanysty ákimshilik quqyq buzýshylyqtardyń aldyn alý», - deıdi ol.

Odan bólek, mınıstrlik ókili turǵylyqty jeri boıynsha tirkelmegen jaǵdaıda aıppuldyń baryn eske saldy.

«Búgingi kúni turǵylyqty jeri boıynsha tirkeýsiz turǵany úshin 10 kúnnen 1 aıǵa deıin eskertý beriledi. Eger 1 aıdan asyp ketse, 7 AEK (aılyq eseptik kórsetkish) (21 441 teńge) kóleminde aıyppul salynady. Qazirgi ýaqytta turǵylyqty jeri boıynsha tirkelý qyzmeti «elektrondyq úkimet» portalynda, sondaı - aq «Halyq Banki» AQ – «Halyk Homebank» mobıldi qosymshasynda qoljetimdi. Ózińizdiń turǵylyqty jerińiz boıynsha tirkelýińizdi «eGov Mobile» mobıldi qosymshasy arqyly teksere alasyz», - dedi Sh. Turlybek.