Elimizde bıdaıdyń tonnasy bıyl 12 myń teńgege qymbattady
Soltústik Qazaqstan oblysynda oraq naýqany qorytyndylandy. Bıyl óńir dıqandary 5,2 mln tonna bıdaı jınady. Gektarynan ortasha eseppen 19 tsentnerden ónim alyndy. Aýyl sharýashylyǵy basqarmasy mamandarynyń aıtýynsha, qazir oblystyń 6,6 mln tonna astyqty saqtaıtyn múmkindigi bar.
«Astyq qabyldaý kásiporyndaryna 1,4 mln tonna bıylǵy jyldyń astyǵy tapsyryldy. Onyń ishinde 845,4 myń tonnasy bıdaı. Tapsyrylǵan bıdaıdyń 30,3 paıyzy 3-klasty, 44,2 paıyzy 4-klasty. Byltyr osy ýaqytta 1,2 mln bıdaı tapsyrylsa, onyń 23,3 paıyzy 3-klasty boldy. ıAǵnı, bıyl bıdaıdyń sapasy jaqsyraq», - deıdi SQO aýyl sharýashylyǵy basqarmasynyń bastyǵy Qaırat Omarov.
«Azyq-túlik korporatsııasy» AQ qarashanyń 5-si kúni astyqtyń satyp alý baǵasyn jarııalaǵan bolatyn. 3-klasty bıdaıdyń baǵasy QQS tóleýshiler úshin 54 myń teńge dep bekitildi. Dán natýrasyna baılanysty bıdaıdyń baǵasy ózgerýi múmkin. Budan basqa, mamandardyń aıtýynsha, maıly daqyldardyń da baǵasy ósken. Rapstyń tonnasy byltyr 127 myń teńge bolsa, bıyl 133 myń teńge, kúnbaǵys byltyr 110 myń teńgeden saýdalansa, bıyl 10 myń teńgege qymbattady. Zyǵyrdyń tonnasy da 15 myń teńgege qymbattap, 105 myń teńgeni qurady.