Elimizde bes kolledj stýdentterdi lıtsenzııasyz oqytqan
Bilim salasynda sapany qamtamasyz etý komıtetiniń aqparaty boıynsha, bıyl elimizde 520 kolledji memlekettik attestattaýdan ótedi. Baqylaý sharalarynan buryn olardyń árqaısysynda aqparattyq-túsindirý jumystary júrgizildi.
«Memlekettik attestattaýdy ótkizý lıtsenzııasyz bilim berý qyzmetimen aınalysatyn kolledjderdi anyqtaýǵa yqpal etti. Bul Qostanaı oblysynyń Denısov kásiptik-tehnıkalyq kolledji, Qaraǵandy oblysynyń A.Mýsın atyndaǵy Balqash gýmanıtarlyq-tehnıkalyq kolledji, Qaraǵandy joǵary gýmanıtarlyq, Aqtóbe gýmanıtarlyq-tehnıkalyq kolledj jáne Temirtaý joǵary polıtehnıkalyq kolledji», – deıdi Komıtet tóraǵasy Ernur Dáýenov.
Sondaı-aq tekserilgen 315 tehnıkalyq jáne kásiptik bilim berý uıymynyń 198-i attestattaýdan ótpegen. Olardyń basym bóligi Aqmola, Qaraǵandy, Batys Qazaqstan, Almaty, Qyzylorda, Pavlodar, Jetisý jáne Túrkistan oblystarynda ornalasqan.
Attestattaýdan ótpeý sebepteri – tehnıkalyq jáne kásiptik bilim uıymdary ázirleıtin bilim berý baǵdarlamalaryna saı bolmaýy, MJMBS talaptaryna sáıkes oqytýshylardyń sapalyq quramynyń (salaǵa saı mamandar emes, tıisti sanattaǵy oqytýshylardyń azdyǵy) bolmaýy.
Budan basqa, óndiristik oqytýdy josparlaý men ótkizýdegi, oqytý nátıjeleriniń jetistikterin baǵalaýdaǵy, erekshe bilim berý qajettilikteri bar bilim alýshylar úshin jeke oqý baǵdarlamalary men jospar daıyndaýdaǵy qatelikterdiń oryn alýy.
Bul rette Astana jáne Almaty qalalarynyń, Soltústik Qazaqstan, Qostanaı jáne Atyraý oblystarynyń kolledjderi jaqsy nátıjeler kórsetip otyr.