Elimizde balalarǵa 100 myńnan astam ota jasaldy

ASTANA. QazAqparat – 2022 jyly 70-ten astam balaǵa shetelde ota jasaldy. Bul týraly QR Densaýlyq saqtaý vıtse-mınıstri Vıacheslav Dýdnık málim etti, dep habarlaıdy QazAqparat tilshisi.

«Jyl basynan beri balalarǵa 100 myńnan astam ota jasaldy. Qazaqstanda múmkindik bolmaǵan jaǵdaıda balalar «Sheteldik emdeý» baǵdarlamasy boıynsha basqa memlekette ota jasata alady. Atalǵan baǵdarlama aıasynda bıyl 71 balaǵa 1 mlrd teńgeden astam somaǵa shetelde ota jasaldy. Atap aıtqanda, gemopoetıkalyq diń jasýshalaryn transplantattaý, elektroparatsııany qoldana otyryp sklerozdaý, radıonýklıdtik terapııa jáne taǵy basqa», - dedi Vıacheslav Dýdnık Ortalyq kommýnıkatsııalar qyzmeti alańynda ótken baspasóz máslıhatynda.

Vıtse-mınıstrdiń aıtýynsha, balalarǵa ota kóbine Túrkııa, Úndistan jáne Reseıde jasaldy.

Sondaı-aq spıker keltirgen málimetke sáıkes, bıyl balalarǵa arnalǵan medıtsınalyq kómekke qazynadan 560 mlrd teńge bólindi.

Buǵan deıin, mınıstr orynbasary Vıacheslav Dýdnık bıyl qazan aıynan beri 2 mln-nan astam qazaqstandyqtyń JRVI juqtyrǵany týraly aıtqan edi.