Elimizde balalardyń kitap oqýǵa qyzyǵýshylyǵyn arttyrý tujyrymdamasy ázirlendi
«El bolashaǵynyń baıandy bolýy jas urpaqtyń bilim-biligine de baılanysty. Osy oraıda Memleket basshysynyń bastamasymen bizdiń mınıstrlik jańa bastamany qolǵa alyp otyr. Qazirgi ýaqytta elimizde 11 myńnan astam kitaphana jumys isteıdi, onyń 4 myńǵa jýyǵy bizdiń mınıstrlikke qarasty. Bıyl balalar men jasóspirimderdiń kitap oqýyn qoldaý jyly aıasynda balalarǵa arnalǵan kitaptardyń sany men sapasyn arttyrýdy kózdep otyrmyz. Óıtkeni bul zaman talaby jáne kitap oqıtyn balalarda tańdaý bolýy tıis», - dedi Nurǵısa Dáýeshov.
Vıtse mınıstrdiń aıtýynsha, Qazaqstanda balalar men jasóspirimderdi kitap oqýǵa qyzyǵýshylyǵyn arttyrý maqsatynda arnaıy tujyrymdama ázirlendi.
«Ol tujyrymdaǵa sáıkes, bıyl elimizde balalar men jasóspirimderge arnalǵan túrli baǵyttaǵy 10 myńǵa tarta is-shara ótpek. Jáne jyldyń ár aıy bir taqyrypqa arnalady. Mysaly, osy naýryz aıy «Ertegiler álemi» bolsa, qyrkúıekte ata-anamen birge kitap oqý sharasyn ótkizýdi oılastyryp otyrmyz. Sondaı-aq, bıyl aıtýly jyl aıasynda balalarǵa arnalǵan 33 ádebı týyndy shyǵarý jospary tur», - deıdi mınıstr orynbasary.
Buǵan deıin habarlaǵanymyzdaı, búgin elordada balalar men jasóspirimderdiń kitap oqýyn qoldaý jyly aıasyndaǵy alǵashqy is-shara ótti.